Është vendi i dytë më i rëndësishëm i luftës për çlirim.
Prandaj dyert e kompleksit memorial në Gllogjan u hapën qysh në mëngjes.
Edhe brendësia e kullës, po bëhet gati.
Kjo pasi edhe këtë 17 shkurt qindra qytetarë pritet të bëjnë homazhe tek varret e dëshmorëve në Gllogjan.
E më të emocionuarit në këtë ditë ishin familjarët e dëshmorëve.
Por krejt ndryshe këtë festë e përjetuan fëmijët.
Për homazhe këtu ishin edhe zyrtarët nga Komuna e Deçanit.
Para varrit të të atit dhe dëshmorëve të tjerë, homazhe bëri edhe djali i dëshmorit të kombit, Shkelzen Haradinajt, Luani.
Ndërsa në Gllogjan, në 15 vjetorin e pavarësisë së Kosovës, nuk u pa asnjë nga krerët e shtetit.
Por, jo të gjitha shtëpitë këtë 17 shkurt, po festonin në Gllogjan.
Shtëpia e ish-ushtarit të UÇK-së, Nasim Haradinaj, ishte e mbyllur.
Kjo pasi Nasimi është dënuar me 4 vjet e gjysmë burgim nga Dhomat e Specializuara në Hagë.
Kronika e gazetarit Fidan Zejnullahu.
