Abdullah Klinaku nga “Demokracia Konservatore”, ka thënë se mundësia e shkuarjes në zgjedhje për shkak të dialogut dhe refuzimit të formimit të Asociacionit nga kryeministri Kurti, do të ishte e dëmshme për vendin.
Ai ka thënë se duhet të merren përgjegjësi politike për zgjidhjen e problemit me Serbinë.
“Për shkak të situatës që mendoj se ende është në favorin tonë është plotësisht e gabueshme ideja për shkuarje në zgjedhje. Është e nevojshme marrja e përgjegjësisë politike për zgjidhje e problemit me Serbinë. Zgjedhjet mund të ishin riciklim i rezultateve dhe do të kishte zgjatje të kësaj situate të dialogut dhe se kjo do ishte e dëmshme për Kosovën”, ka thënë ai në emisionin “Info-Nata”, në Tëvë1.
Klinaku ka folur edhe për vizitën në ShBA ku ishte i ftuar për të marrë pjesë në ceremoninë e “Lutjeve të Mëngjesit”.
Ai ka thënë se atje ka zhvilluar edhe takime të ndryshme me shqiptarë që janë në ShBA.
