Lushtaku theksoi se 90% e deputetëve të Lëvizjes Vetëvendosje e dinë se po humbin shumë me mosmbështetjen e këtij Projektligji.
“Edhe sot u bëj thirrje depuetëve të pozitës që t’i largojnë inatet politike, të largojnë edhe çdo presion nga liderët e tyre vetëm se janë në pozitë që të mos e votojnë një iniciativë i cili reflekton kërkesën reale në ndërtim të ballafaqimit më të lehtë me situatën e krizës ekonomike…thuajse 90% e deputetëve të Vetëvendosjes, edhe ata mund të luajnë rolin e tyre si pozitë edhe të dalin kundër mos të votohet Trusti, por në realitet e dinë shumë mirë që po humbin shumë me mosmbështetjen sepse mbi të gjitha po humbin qytetarët e vendit, të cilët veç se janë sharruar në krizë të thellë ekonomike”, tha ai në “Info Nata” në Tëvë 1.
Ai theksoi se Qeveria ka faj pasi nuk ka ndërmarrë asnjë hap që ta lehtësojë jetën e qytetarëve.
Lushtaku shtoi se arsyetimi i deputetëve është se “ata kanë rrugëtimin e tyre politik dhe prandaj nuk e mbështesin”, e jo pse iniciativa nuk është e mirë.
Miratimi i Projektligjit për tërheqjen e mjeteve financiare nga Trusti është në rend dite në seancën e nesërme në Kuvend. /Teve1.info/
