Ndeshja Bjellorusi – Kosovë ende e paqartë se ku do të zhvillohet. UEFA ende nuk ka marrë vendim për këtë sfidë, mirëpo ka caktuar takimin Bjellorusi – Zvicër e cila pritet të zhvillohet në Novi Sad. Megjithatë në “peng” është mbetur takimi mes Bjellorusisë dhe Kosovës, ku Konfederata Evropiane e Futbollit (UEFA) nuk ka dhënë as datë, por as destinacion për këtë takim.
UEFA ka vendosur që Bjellorusia deshjen e parë kualifikuese do të jetë vendase kundër Zvicrës më 25 mars në Novi Sad, derisa kjo do të thotë se Granit Xhaka e Xherdan Shaqiri do të luajnë në Serbi.
Kosova dhe Bjellorusia do të takohen dy herë. Më 19 qershor Bjellorusia është vendase, ndërsa ndeshja kthyese luhet më 21 nëntor në Prishtinë. Bjellorusia është nën sanksione speciale për mbështetjen e pushtimit rus të Ukrainës.
