Madje, ai konsideroi se duhet të merret parasysh shtyrja e zgjedhjeve atje, pasi siç tha ai, nëse ato mbahen, do krijohen kriza të reja në vend.
“Kosova ka gabuar në disa hapa në qasjen e saj ndaj veriut, prandaj situata e tanishme është reflektim i qasjes tonë. Duhet të merret parasysh shtyrja e zgjedhjeve deri në një moment të caktuar, ndoshta kur do ishte më pozitive mbajtja e tyre. Ne kemi grupe të qarta të krimit të organizuar në veri, e të cilat e kanë qëllim të vetëm destabilizimin e veriut të Kosovës. Prandaj, nëse eventualisht ka synime që të mirëmbahen zgjedhjet, konsideroj se mund të hyjmë në një cikël të re krizash, qofshin ato edhe në ditën e mbajtjes së zgjedhjeve. Ne duhet tu shmangemi kësaj për një kohë dhe ndoshta do duhej të ishte një presion më të madh ndaj Beogradit”, deklaroi Imeri në emisionin “Këndi i Debatit” në Tëvë1.
Kujtojmë se Presidentja e Kosovës, Vjosa Osmani, do të mund të vendosë për shtyrjen e datës së zgjedhjeve në veri të Kosovës, vetëm nëse për këtë çështje do të japin vlerësim organet e sigurisë dhe ato zgjedhore./teve1.info/.
