Kjo pas lutjeve të shumta të familjeve që përpiqen të kthejnë të afërmit e tyre në shtëpi, duke u ankuar për kushtet e mjerueshme me të cilat përballen djemtë e tyre.
Putin iu tha grave dhe nënave ruse se lajmet se të rekrutuarit për mobilizim ushtarak në Ukrainë po kanë vështirësi janë të rreme dhe se realiteti është ndryshe.
Ai madje tha se flet në telefon me disa ushtarë dhe se ata duken të “disponuar”.
“Jeta është më e larmishme se ajo që shfaqet në ekranet televizive apo edhe në internet. Ka shumë falsifikime, mashtrime, gënjeshtra. Ka shumë sulme informacioni. Informacioni është gjithashtu një armë luftarake. Unë ndonjëherë flas me disa djem (ushtarë) në telefon direkt. Kur fola me ta më befasuan me disponimin dhe qëndrimin që kishin ndaj kësaj çështjeje. Ata janë heronj”, tha Putin.
I menjëhershëm ishte reagimi i Këshillit të Nënave dhe Grave, një lëvizje e formuar nga të afërmit e ushtarëve të mobilizuar në Rusi.
Përfaqësuesja e tyre, Olga Tsukanova, me anë të një video-mesazhi në Telegram tha se gratë që u takuan me Putinin të premten u përzgjodhën nga Kremlini dhe se ai duhet të takohet me nënat e vërteta.
“Ne jemi këtu në Moskë, gati të takohemi me ju. Ne presim përgjigjen tuaj . Ne kemi burra në ministrinë e mbrojtjes, në zyrën e prokurorisë ushtarake, djem të fuqishëm në administratën presidenciale… dhe nëna në anën tjetër”, Olga Tsukanova- Këshilli i nënave dhe grave-rusi, raporton AP.
Raportet e pakonfirmuara nga disa media ruse sugjeruan se disa nga gratë që u takuan me presidentin rus ishin anëtare të partisë në pushtet ose zyrtarë lokalë që mbështesnin qeverinë e Putinit.
Ministria ruse e Mbrojtjes tha më herët se gjithsej 300 mijë rusë janë rekrutuar në thirrjen e pjesshme të shpallur nga Putin më 21 shtator, dhe 87 mijë prej tyre janë dislokuar në Ukrainë./Tëvë1/
