Autoritetet turke të sigurisë publikojnë pamjet e rrugëtimit të së dyshuarës për sulm me bombë

Dorasja e këtij sulmi është verifikuar e cila është shtetasje siriane Ahlam Albashir, që u arrestua të nesërmen.

Në video ajo shihet duke ecur në pjesë të ndryshme të qytetit dhe se vazhdimisht mbante me vete një qese të najlonit në të cilën supozohet se gjendej bomba e cila shpërtheu.

Ajo pasi arrin në vendin ku shpërtheu bomba, ulet për të pushuar në ulëset e sheshit dhe pas disa minutave ajo ngritet dhe largohet duke vrapuar për të ikur nga vendi i ngjarjes.

Ndryshe, policia turke ka bërë të ditur se po vazhdon hetimet dhe se deri më tani janë arrestuar 50 persona që dyshohet se kanë lidhje me shpërthimin në Stamboll./teve1.info/