Sekretari i Përgjithshëm i Kombeve të Bashkuara, Antonio Guterres paralajmëroi të hënën se humbjet dhe dëmet nga ndryshimet klimatike globale nuk mundë të neglizhohen më.
“Ndikimet vdekjeprurëse të ndryshimeve klimatike janë këtu dhe tani. Humbjet dhe dëmet nuk mund të fshihen më. Është një imperativ moral. Është një çështje themelore e solidaritetit ndërkombëtar dhe drejtësisë klimatike. Dhe kjo është arsyeja pse po kërkoj që të gjitha qeveritë të tatojnë fitimet e papritura të kompanive të karburanteve fosile. Le t’i ridrejtojmë ato para te njerëzit që po luftojnë me rritjen çmimet e ushqimeve dhe energjisë dhe vendeve që vuajnë humbje dhe dëme të shkaktuara nga kriza klimatike”, ka thënë Guterres.
Ndërkohë lidhur me çështjen foli edhe kryeministrja e Italisë, ajo theksoi se luftimi i ndryshimeve klimatike kërkon angazhimin e plotë të të gjitha vendeve.
“Fatkeqësisht, ne duhet të pranojmë se bashkëpunimi i vendeve për luftimin e ndryshimeve klimatike nuk po ndodh. Nuk mund ta fshehim faktin se kombet që janë më të përkushtuar në këto synime rrezikojnë më shumë sesa ata që sot janë kryesisht përgjegjës për emetimet e dyoksid karbonit në planet. Kjo është paradoksale dhe nevojiten masa për të korrigjuar këto disbalanca”, tha ajo.
Teksa Kina konsiderohet së bashku me SHBA-në vendet me ndotje më të madhe në botë, Gutierrez drejtoj thirrjen në veçanti ndaj këtyre dy vendeve.
OKB-ja gjithashtu u bëri thirrje vendeve për arritjen e një marrëveshje solidariteti për klimën, që do të përfshinte mbështetjen e mjaftueshme financiare për vendet e varfra.
Pasi shumë nga to nuk janë në gjendje të përballojnë efektet e ngrohjes globale./Tëvë1/
