Nëntë persona janë lënduar në aksident trafiku në fshatin Rixhevë të Klinës.
Lajmin për teve1.info e ka konfirmuar zëdhënësi i policisë për rajonin e Pejës, Driton Rugova, i cili tha se në mesin e të lënduarve janë edhe dy fëmijë.
Tutje, ai ka thënë se në këtë aksident kanë qenë të përfshirë pesë vetura.
“Sot rreth orës 18:10, Policia është njoftuar për një aksident trafiku i cili ka ndodhur ne fshatin Rixhevë-Klinë, në këtë aksident ishin të involvuara pesë (5) Vetura dhe si pasojë e aksidentit nëntë (9) persona kanë pësuar lëndime trupore ku dy (2) nga të lënduarit ishin fëmijë, të lënduarit janë dërguar në emergjencën e Spitalit Rajona në Pejë për tretman mjekësor”, ka thënë Rugova.
