Shefi i Grupit Parlamentar të PDK-së, Abelard Tahiri – i cili është iniciues i këtij Komisioni, tha se atyre iu mohua një e drejtë bazike.
Tutje, ai shton se nuk duhet t’i pengojë askujt formimi i këtij Komisioni.
“Kjo ishte në këtë legjislaturë hera e parë që propozohet themelimi i një Komisioni hetimor parlamentar, hedhja dritë në çfarëdo keqpërdorimi nuk besoj që do duhej t’i pengonte askujt. Sot mendoj që është bërë një veprim jashtëzakonisht i dëmshëm nga mazhoranca me dëmtu frymën tonë parlamentare si opozitë kemi qenë konstruktiv sot na e mohuat një të drejtë tonë bazike parlamentare për me bë një hetim parlamentar në lidhje me krizën energjetike dhe shpenzimin e taksave të qytetarëve të Kosovës. Kjo është një padrejtësi e madhe sepse si opozitë do të duhej të inkurajohemi nga ju që të shfrytëzojmë të gjitha instrumentet tona parlamentare me bë punë tonë dhe ju me votë me mosvotimin e kësaj pike që të jetë pjesë e agjendës na e mohuat një të drejtë tonë bazike parlamentare”, tha ai
Ndërkaq, shefi i GP të LDK-së, Arben Gashi tregoi se do ta bojkotojnë punën e Kuvendit deri në miratimin e themelimit të këtij Komisioni.
“Meqenëse opozitës iu mohua një e drejtë kushtetuese që është mbikëqyrja parlamentare e punës së institucioneve ne deri në formimin e komisionit hetimor LDK nuk do të marr pjesë në asnjë votim për këtë seancë ne lëshojmë sallën”, deklaroi Gashi.
Bojkotit të punës së legjislativit i është bashkangjitur edhe GP i AAK-së, ku shefi i tyre, Besnik Tahiri theksoi se mosvotimi i Komisionit është një “gabim i pafalshëm”.
“Mendoj që është një gabim i pafalashëm mosbotimi i këtij komisioni arsyet janë të thjeshta ne jemi të detyruar të lëshojmë sallën të mos marrim pjesë në votim të bnojkotojmë një proces i cili realisht nuk është asgjë tjetër është komision hetimor e drejtë legjitime kushtetuese e këkruar nga iniciuesi që u bllokua pa kurrfarë nevoje”, tha ai.
Kurse, kryetari i Kuvendit, Glauk Konjufca i ka dhënë të drejtë opozitës për krijimin e këtij Komisioni.
Kjo pasi që, sipas tij, në kohën sa ishte shef i GP të Lëvizjes Vetëvendosje i ishte mohuar një gjë e tillë për të cilën kishte thënë se është gabim.
“Deputetë uluni në vendet e tuaja, se du me ja dhënë vet një interpretim kësaj pune sepse nuk po funksion ndryshe. Unë du me i dhënë të drejtë pjesërisht opozitës. Po du me i dhënë të drejtë opozitës, sepse atëherë kam qenë kryetar i Grupit Parlamentar kur na është mohuar kjo çështje dhe kam dalë e kam thënë qe është gabim. Për me qenë në konsistencë me këtë interpretim që e kam pasur atëherë mendoj se duhet të hapim fazën e propozimit të emrave për këtë komision parlamentar. Pastaj mazhoranca me votë e determinon nëse do ta votojë apo jo këtë komision”, tha ai./teve1.info/
