Sekretari PDK-së, Betim Gjoshi thotë se kryeshefi i pezulluar i KEK-ut, Nagip Krasniqi i cili është në paraburgim, nuk guxon të shkarkohet.
Sipas Gjoshit nëse shkarkohet Gjoshi shpaloset “skema mafioze e krimit me energji që po e bën Qeveria”.
Ai këtë reagim e ka bërë pas shkarkimit të asamblistit të VV-së në kryeqytet, Besnik Mujecit, pasi që i njëjti u kap me drogë në Shqipëri.
“Kryeshefi i arrestuar i KEK-ut, Nagip Krasniqi që është edhe zyrtar i lartë i partisë në pushtet, në muajin shtator i bën 5 muaj paraburgim dhe me datën 1 shtator do ta marrë sërish pagën e plotë nga taksat e qytetarëve, pa punuar asnjë ditë të vetme. Argati i kryeministrit Kurti dhe ambasadorit Martin Berishaj nuk guxon të shkarkohet siç i ndodhi narko-trafikantit Besnik Mujeci sepse Nagipi pastaj e shpalosë gjithë skemën mafioze të krimit me energji që po e bën kjo qeveri tash e tri vite”, ka shkruar Gjoshi.
