Një tjetër dëshmi e përpjekjeve të Arlinda Zekajt për të kërkuar mbrojtje nga institucionet është bërë publike të dielën, një javë pas vrasjes së saj.
Bëhet fjalë për një letër që ajo ia kishte dërguar gjykatësit Migjen Kastrati më 7 shtator 2026, përmes së cilës kërkonte caktimin e urdhrit mbrojtës për veten dhe rregullimin e kujdestarisë për djalin e saj.
Letra është publikuar nga Natyra Kuçi, ndërsa në përmbajtjen e saj vërehet thirrja e Zekajt për trajtim urgjent të rastit dhe ndërhyrje nga organet e drejtësisë.
“Për ju është rutinë, për mua është jetë dhe veç Zoti e di pse ty të ka zgjedhë të shpëtosh jetë”, kishte shkruar ajo.
Arlinda Zekaj u vra më 25 tetor në Vitomiricë të Pejës. Për rastin janë arrestuar ish-bashkëshorti i saj, Jeton Sylaj, dhe ish-kunati, Albert Sylaj, të cilëve u është caktuar nga një muaj paraburgim.
