Hekuran Murati nga Vetëvedosje ka thënë se pret reflektim nga deputetët e opozitës për votimin e presidentit.
“E keni pa, herën e fundit e konstituam Kuvendin dhe formuam Qeverinë në afat rekord. Por pastaj çështja e presidentit na çoi në zgjedhje. Shpresojmë që do të ketë reflektim nga deputetët e opozitës. Tash kandidatin për president e kemi, është afër të gjendet zgjidhja, shpresoj që të reflektojnë deputetët e opozitës”, ka thënë ai para vazhdimit të seancës konstituive për legjislaturën e 11-të”, tha Murati para medieve.
Kuvendi i Kosovës pritet të rifillojë sot procesin e konstituimit, pas më shumë se një muaji bllokadë institucionale. Seanca e vazhdimit është caktuar të mbahet të mërkurën, në orën 11:00.
Pjesëmarrjen në seancë e kanë konfirmuar Lëvizja Vetëvendosje (LVV), Partia Demokratike e Kosovës (PDK) dhe Lidhja Demokratike e Kosovës (LDK), ndërsa Aleanca ka vendosur të bojkotojë seancën.
