Kryetari i Aleancës Kosova e Re, Behgjet Pacoli po pretendon se një kosovar, shtetas i Zvicrës, i cili po kthehej në Kosovë për një varrim familjar. është ndaluar sot në Merdare nga policët serbë.
Pacolli tha se atij iu kërkua ryshfet për të kaluar e meqenëse i njëjti nuk pranoi ta paguante, u ndalua për 45 min.
“Shembulli më i fundit ka ndodhur sot në vendkalimin Merdar, ku një kosovar EE ( shtetas zviceran) qe po udhëtonte për në Kosovë, për një varrim familjar u ndalua për një kohë të gjatë, pa ndonjë arsye. Atij iu kërkua ryshfet. Për shkak të rrefuzimit për të paguar, ai u mbajt mbi 45 min, madje tentuan t’i konfiskojnë edhe ilaçet që i përdor cdo ditë ( duke i’a perplas ato per toke)”, ka shkruar Pacolli.
Pacolli tutje ka pyetur se a është ky shteti që e ka ndërtuar Vuçiqi.
“Këto raste janë vetëm disa prej rasteve të përdishme të keqtrajtimeve skandaloze të udhëtarve nga policija ( shume here ne gjendje të dehur) e Serbisë që duhet raportuar dhe dënuar nga të gjitha autoritetet ndërkombëtare”, ka shkruar Pacolli.
