Lajmi u bë i ditur përmes raportit 24 orësh të Prokurorisë së Shtetit, ku thuhet se tri prej tyre janë për dhunë në familje.
Në raport thuhet se me urdhër të prokurorëve, 7 persona janë ndaluar për 48 orë, të dyshuar se kanë kryer vepra të ndryshme penale si dhe janë bërë dy kërkesa për caktim të paraburgimit ndaj dy të dyshuarve, si dhe është bërë si dhe një kërkesë për caktimin e masës së arrestit shtëpiak ndaj një personi, të dyshuar se kanë kryer vepra të ndryshme penale.
Gjatë 24 orëve të fundit, Prokuroria Themelore në Prizren, ka ngritur një aktakuzë kundër një personi për veprën penale “Dhunë në familje”.
Edhe Prokuroria Themelore në Gjilan ka ngritur një aktakuzë kundër një personi për veprën penale “Dhunë në familje”.
Po ashtu, Prokuroria Themelore në Ferizaj ka ngritur një aktakuzë kundër një personi për veprën penale “Dhunë në familje”. /Betimi për Drejtësi/
