Ministri i Infrastrukturës, Liburn Aliu ka bërë të ditur se në rrugën Gjilan-Kllokot ka filluar të punohet edhe në mbrëmje, nga ora 20:00 në orën 05:00 të mëngjesit.
Kjo sipas tij, për shkak të temperaturave të larta dhe që punimet gjatë ditës të mos bllokojnë qarkullimin e trafikut.
“Në Rrugen Gjilan Kllokot, kemi filluar të punojmë edhe në mbrëmje, nga 20:00 deri në 05:00, për shkak të temperaturave të larta gjatë kësaj periudhe dhe gjithashtu që punimet mos të pengojnë gjatë ditës qarkullimin e trafikut në këtë aks rrugor, ku kryesisht e frekuentojnë bashkëatdhetarët nga Diaspora”, ka shkruar Aliu në Facebook.
