Punimet për objekti i ri i Stacionit të Autobusëve në qytetin e Ferizajt, kishin filluar para dy vjetësh, por që i njëjti ende nuk është finalizuar kjo për shkak të vonesave që janë hasur në problemet me infrastrukturë.
Megjithatë, nga Komuna e Ferizajt thonë se në bazë të dinamikës së punimeve, ky projekt pritet të përfundojë deri në fund të vitit.
Sipas zëdhënësit, Selim Marevci, as ky projekt nuk po gjen përkrahje nga niveli qendror, njëjtë sikur edhe disa projekte tjera.
Nga ana tjetër, objekti aktual i këtij Stacioni po përballet me një hapësirë të vogël për operimin e kompanive të ndryshme.
Drejtoresha e kësaj ndërmarrjeje, Albulenë Çalaj thotë se është e domosdoshme të kalohet në objektin e ri sa më parë, për shkak të përmirësimit të kushteve edhe për qytetarët.
Projekti për ndërtimin e këtij Stacioni kap vlerën e 1.7 milionë eurove.
