Gjatë këtij takimi, Kurti tha se pas shtypjes dhe diskriminimt që po u bëhet shqiptarëve atje, nuk duhet mbështetur tentimet për acarim të shqiptarëve me njëri-tjetrin, pjesë e cilës është edhe synimi për rrëzimin e kryetares së Preshevës, Ardita Sinani.
“Ai më tej tha se gjendja e shqiptarëve në përgjithësi në këto komuna, me politika diskriminuese e shtypëse të Serbisë, kërkon angazhim të përbashkët e vigjilencë të shtuar, vendosmëri e ruajtje të unitetit politik të subjekteve shqiptare të Preshevës, Medvegjës e Bujanocit. Përçarja e ndarja janë gabim dhe bëhen dëm, u shpreh kryeministri Kurti, teksa në fund theksoi se bashkëpunimi e rreshtimi i drejt ndaj mbrojtjes dhe avancimit të të drejtave të shqiptarëve nuk është vetëm nevojë por domosdoshmëri e kohës”, thuhet në njoftimin e Zyrës së Kryeministrit.
Sipas njoftimit, në takim është diskutuar edhe për rezultatet e procesit zgjedhor në Serbi, veçanërisht në tri komunat me shumicë shqiptare ku u theksua pasivizimi i adresave të tyre.
Për këtë, Kurti theksoi se është një “spastrim etnik administrativ i heshtur që po sjellë pasoja të mëdha”.
“Shqiptarëve në Preshevë, Medvegjë dhe Bujanoc u është bërë padrejtësi e madhe me pasivizimin e mbi 6000 adresave të banorëve shqiptarë në këto komuna, u tha në fillim të takimit. Kryeministri Kurti tha se ky është një spastrim etnik administrativ i heshtur e që po sjellë pasoja të mëdha. Kjo metodë e Serbisë, që iu mohoi të drejtën elementare e demokratike, atë të votës, solli edhe rezultate jo të kënaqshme. Andaj, këto zgjedhja as nuk ishin të lira e as demokratike, tha ai. Mungesa e unitetit dhe i bashkërendimit të subjekteve politike shqiptare në një front, ishte një faktor tjetër i dëmshëm për rezultatet zgjedhore, veçoi kryeministri”, thuhet ndër tjerash në njoftim./teve1.info/
