Ditëve të fundit pati raportime për helmim të qenve në Mitrovicën e Veriut. Madje u publikuan edhe fotografi të qenve të ngordhur.
Lidhur me këtë rast, Prokuroria Themelore në Mitrovicë ka bërë të ditur se ka nisur hetimet.
“Është njoftuar prokurori kujdestar, është hapur rast për veprën penale “Keqtrajtimi i kafshëve dhe ndotja e ushqimit dhe e ujit të shtazëve””, ka thënë për teve1.info Valon Preteni, zëdhënës i Prokurorisë Themelore në Mitrovicë.
Rasti është duke u hetuar në koordinim me policinë.
