Sipas Xanit kjo vizitë tregon nevojën e pakthyeshme të procesit të dialogut si dhe presionin për të arritur një marrëveshje finale në mes Kosovës dhe Serbisë.
“Kjo vizitë tregon nevojën e pakthyeshme të procesit të dialogut, nevojën dhe presionin për ta arritur marrëveshje ose për të parapërgatitë një marrëveshje finale mes Kosovës dhe Serbisë, seriozitetin e Francës dhe Gjermanisë duke mbështetur delegacionin në këtë rast të Lajçak dhe qasjen serioze që ka Bashkimi Evropian pa përjashtuar edhe Shtete e Bashkuara të Amerikës, qasjen dhe interesimin dhe seriozitetin për një dialog i cili prodhon rezultate, i cili mund t’iu shërbejë vendeve për normalizimi për zbutje të raporteve për ulje të tensioneve dhe mos përhapjen e një krize të mundshme ose një mini Ukraine në Ballkan”, tha Xani.
Në emisionin “Ditari” njohësi i çështjeve politike tha se muaji shtator do të jetë muaj i cili do të qartësoj shumë procese sa i përket arritjes së marrëveshjes finale në mes të dy shteteve.
“Muaji shtator do të jetë muaj i cili do të qartësoj shumë procese nëse vërtetë palët kanë interesim për marrëveshje me qëllim që edhe fundi i vitit kur merren shumë vendime të rëndësishme për Ballkanin Perëndimor të kenë rezultate dhe të kenë për çka të merren ato vendime”, theksoi ai.
Rikujtojmë se i ndërguari i posaçëm i BE-së Mirosllav Lajçak i shoqëruar nga dy këshilltarë të sapoemëruar të Gjermanisë dhe Francës për dialogun, do të vizitojnë Prishtinën dhe Beogradin më 9 shtator./Teve1.info/
