Këtë deklaratë, Beqa e bëri në emisionin Ditari” në Tëvë1 duke komentuar mbi Hetimet e Autoritetit të Konkurrencës për Telekomin mobil të Serbisë në Kosovë MTS D.O.O.
“Ka mbi një vit që ne po i përcjellim dhe po i monitorojmë sjelljet e tyre dhe në këtë aspekt lirisht mund të themi se do të ketë shumë shpejt, ndoshta për dy javë do të hapim edhe një hetim tjetër në tregun e telekomunikimeve në Kosovë”, tha ai.
Ky hetim është nisur nën dyshimin se ndërmarrja ka realizuar shitblerje të aksioneve në tregun përkatës duke fituar kontroll mbi ndërmarrjet tjera për të cilat përmbushet detyrimi ligjor për njoftimin e përqendrimit sipas Ligjit për mbrojtjen e konkurrencës.
Sipas Beqës, Autroiteti i konkurrencës nuk ka qenë fare i njoftuar nga ndërmarrja MTS e cila sipas obligimeve ligjore është dashur që paraprakisht të paraqesë kërkesën për blerjen e këtyre ndërmarrjeve.
“Pas shqyrtimit autoriteti ka gjetur se ndërmarrja MTS ka bërë blerjen apo ndodhur shitblerjen e disa transaksioneve lidhur me blerjen e kompanive të cilat operojnë në nivel regjional të këtyre komunave dhe duke fituar kontrollin e tyre dhe me këtë rast është përqendruar paligjshëm dhe nuk ka parashtruar kërkesën për notifikim që do të duhej ta bënte në autoritetin e konkurrencës dhe gjatë shitblerjes së këtyre aksioneve dhe transaksioneve të cilat kanë ndodhur është përmbushur detyrimi ligjor për ta paraqitur njoftimin pranë autoritetit”, tha Beqa./Teve1.info
<iframe src=”https://www.facebook.com/plugins/post.php?href=https%3A%2F%2Fwww.facebook.com%2Fteve1.official%2Fposts%2Fpfbid0XSSeNi8tKbiNtaYZm1oD8BqtBtQDJFBSuChvhhtFygUtsMzQnwzwEdcuGfXPT9G1l&show_text=true&width=500″ width=”500″ height=”372″ style=”border:none;overflow:hidden” scrolling=”no” frameborder=”0″ allowfullscreen=”true” allow=”autoplay; clipboard-write; encrypted-media; picture-in-picture; web-share”></iframe>
