Në emisionin “Info Nata” Pajaziti deklaroi se mbetet në fund të kësaj vizite t’i sqarojë të gjitha qëllimet e tij se çfarë donë të arrijë me këtë agjendë dhe me këtë vizitë 3 ditore në Kosovë.
“Mbetemi që në fund të vizitës zoti Lajçak t’i sqarojë të gjitha qëllimet e tij se çfarë donë të arrijë me këtë agjendë, ka pasur vështirësi në përpilimin e një agjende ku ne fund ka edhe takimet e liderëve të dy vendeve për çështje të njohura tashmë të qëndrimeve të njohura”, tha ai.
Ndërkaq vizitën e Përfaqësuesit Special të Bashkimit Evropian në Kosovë, anëtari i kryesisë së PDK-ë e sheh si të veçantë dhe si një relaksim pas nënshkrimit të marrëveshjes për energjinë me Serbinë.
“Çdo vizitë është pozitive që bëhet në Kosovë si duket ka një lloj relaksimi pas nënshkrimit të një marrëveshje në njëfarë periudhe të gjatë të ecjes së ngadaltë të këtij procesi ose e stopimit të këtij procesi e kjo vizitë ndoshta mund të jetë e relaksuar por kjo marrëveshje dhe koha që kaluam ose që po e lëmë pas nuk është se zgjidhi ose bëri diçka për pritjet e mëdha të Kosovës të qytetarët e Kosovës për proceset integruese dhe sidomos për procesin e liberalizimit të vizave”, tha tutje Pajaziti në Tëvë1.
