Lidhur me këtë, njohësit e ekonomisë ndajnë mendime të ndryshme, derisa vlerësojnë se kjo do të ndikojë në përkeqësim të standardit të jetesës.
Kryetari i Odës Ekonomike të Kosovës Lulzim Rafuna, shprehet se ngritja e tatimit në pronë duhej të ndodhte në pjesën e dytë të këtij viti.
“Tatimi në pronë është rrit për të gjitha pronat jo vetëm për qytetarët, nuk është sinjal i mirë sepse po e shohim cfarë inflacioni kemi dhe me cfarë sfida po përballen bizneset tona… nuk është mirë që ka ndodh tashmë të paktën me ndodh në pjesën e dytë të vitit 2023 kur parashihet që inflacioni të ketë një rënie të lehtë…”, ka thënë Rafuna.
E sipas Kryetarit të Odës Ekonomike Amerikane në Kosovë, Arian Zeka vendimi do të përkeqësoi standardin e jetës.
“Ngritja e faturave të tatimit në pronë ndikojnë tek zvogëlimi i fuqisë blerëse të konsumatorëve dhe në përkeqësim të standardit të jetesës, institucionet e vendit zakonisht kur marrim këso vendime qofshin nivelit lokal apo qendror sepse shihet akoma të ketë paqartësi… por në këtë situatë të cilën po e kalojnë qytetarët në këtë krizë ekonomike duket të mos jetë plotësisht vendim legjitim për aq kohë sa masat e tyre mbështetëse nuk kanë qenë proporcionale…”, ka thënë Zeka.
Se me këtë vendim do të pësojnë qytetarët e thotë edhe ekonomisti Besnik Avdiaj.
“Në fund të ditës do të pësojnë qytetarët e zakonshëm, shtresave të mesme, të ardhurave më të ulëta, kjo është e papërballueshme me inflacionin të cilin po përballet vendi, janë prek dhe patundshmëri tjera që janë ndërtuar para rritjes se këtyre çmimeve, duke supozuar që vlerësimi të jetë i drejtë dhe i saktë në këtë drejtim, institucionet duhet të ndërmarrin masa mes uljes së normës minimale për tatim që do të i lehtësonin edhe komunave të përcaktohen në vlerë më të ulët në tatim…”, ka thënë ai.
Kritika dhe reagime për ngritje të tatimit në pronë nga Ministria e Financave kishte nga opozita, e nga Asociacioni i Komunave të Kosovës.
Kronika e realizuar nga Lendrina Kodrolli
