Nga 24 shtatori, Policia e Kosovës ka kryer disa kontrolle në katër komunat veriore.
Krejt kjo është bërë për shkak të vazhdimit të hetimeve në lidhje me rastin e sulmit terrorist në fshatin Banjskë të Zvecanit.
Nga komunikatat zyrtare të publikuara të Policisë së Kosovës, deri në këtë periudhë janë kontrolluar 25 lokacione në Mitrovicën e Veriut, Zubin Potok, Zveçan e Leposaviq.
Armatimi i konfiskuar nga autoritetet kap vlerën rreth 5 milionë euro.
Mirëpo, gati një muaj pas, për këto aksione dhe konfiskimin e provova nuk është arrestuar asnjë person.
Pavarësisht këtyre provave, nuk ka persona të cilët janë në kërkim për arrestim.
Tëvë1 ka dërguar pyetje në Policinë e Kosovës se në çfarë faze të hetimeve janë dhe për numrin e personave të arrestuar, mirëpo të njëjtit nuk kanë pranuar të japin detaje as për numrin e aksioneve dhe as për arrestimet në këtë kohë.
E pa përgjigje kanë qenë edhe nga Ministria e Punëve të Brendshme rreth koordinimit me PK-në.
Nga ana tjetër, njohësi i sigurisë Nuredin Ibishi tregon se si shkon kjo procedurë.
Po ashtu Policia e Kosovës nuk ka dhënë detaje nëse ky aksion do të vazhdojë.
