Është mbajtur edicioni i gjashtë i Festivalit Multikultural i organizuar nga organizata “Zëri i Romëve, Ashkalive dhe Egjiptianëve” me moton të festojmë ngjashmëritë tona.
Ky event mblodhi artistë të komuniteteve të cilët thanë se artin e kanë e kanë përdorur si formë për të thyer barrierat e paragjykimet.
I pranishëm ishte edhe zëvendësministri i Kulturës Rinisë dhe Sportit, Sylejman Elshani, i cili tha se me art, kulturë, e letërsi, komunitetet pasurojnë kulturën e shtetit tonë.
“Komunitetet rom, ashkali dhe egjiptas kanë kultura të ndryshme në mes tyre, mirëpo të gjithë dinë të promovojnë kulturat e tyre shumë të pasura dhe tëngjashme me komunitetin shqiptar që jeton në Kosovë duke jetuar sëbashku me ta në shumë dekada”, tha Elshani.
Edhe nga organizata “Zëri i Romëve, Ashkalive dhe Egjiptianëve” thanë se ky festival ka për qëllim ndërtimin e urave të komunikimit dhe respektit.
“Festival i organizuar me qëllim të njohjes themelimit të kuptimit për kulturat e komunitetve rom, ashkali dhe egjiptian. festivali multikulturor është një ngjarje që na kujton vlerat e bashkimit ndërmjet diversitetit dhe na ofron një platformë unike për të festuar kulturën muzikën, traditën artin që na rrethon çdo ditë”, tha Vesa Batalli.
Poashtu është hapur edhe ekspozita “Njohja e historisë, kulturës dhe letërsisë rome përmes artit” e gazetarit Ridvan Gashi.
