Ambasadori i Kosovë në Gjermani, Faruk Ajeti, ka thënë se letra e hartuar nga kryetarët e komisioneve për politikë të jashtme të Bundestagut gjerman Michael Roth, të Senatit të SHBA-ve Bob Menendez, të Parlamentit britanik Alicia Kearns dhe kryetarët e komisioneve të punëve të jashtme të parlamenteve të Republikës Çeke, Ukrainës Irlandës, Estonisë , Letonisë dhe Lituanisë, është hartuar në një momentum të rëndësishëm.
Ai ka thënë nga kjo iniciativë kërkohet të nxirren mësimet nga e kaluara, që komuniteti ndërkombëtarë mos të ndjek politikë me Beogradin në qendër të Ballkanit dhe Serbia të shihet përgjegjëse për përshkallëzimin e situatës në veri.
“Në këtë iniciativë të përbashkët drejtuar komunitetit ndërkombëtar, ata kërkojnë të nxirren mësimet nga e kaluara dhe mos të ndjek një politikë me Beogradin në qendër të Ballkan-it, ku Serbia duhet të shihet si përgjegjëse për përshkallëzimin e situatës në veri të Kosovës dhe mos të ndiqet një politikë me zemërgjerësi ndaj Beogradit, e cila ka dëshmuar që nuk po funksionon. “Kosova është një vend sovran dhe një demokraci funksionale. Ky fakt duhet të përbëjë bazën e politikës sonë të përbashkët ndaj krizës aktuale”, ka shkruar ai./teve1.info/
“Rreziku i përshkallëzimit”, politikanët e huaj u kërkojnë BE dhe SHBA të distancohen nga Serbia
