Në një adresim për media, ajo u shpreh se gjatë këtij takimi do të shprehin qëndrimin e tyre se delegacioni kosovar është i gatshëm për sjelljen e një rezultati në procesin e dialogut me Serbinë.
“Zv.kryeministri Besnik Bislimi do të vijë këtu për të arritur një marrëveshje sepse dialogu asaj duhet ti shërbejë arritjes së marrëveshjes dhe jo takimeve të shpeshta pa rezultate prandaj të premten ai do të jetë këtu dhe do të shohim çfarë rezultate do të kemi. Delegacioni kosovar është shumë i gatshëm për të sjellë rezultate në këtë proces të dialogut”, tha Gërvalla.
Tutje, ajo ka treguar se gjatë kësaj darke joformale do të bisedojnë rreth integrimit sa më të shpejtë të Ballkanit Perëndimor në BE.
“Kemi ardhur sot nga Kosova për të marrë pjesë në darkën e organizuar nga Borrell. Në këtë darkë presim që të bisedojmë shtruar gjerë e gjatë rreth mundësive për një integrim më të shpejt të Ballkanit Perëndimor në stukturën e BE-së mendoj që kjo do të jetë në vijat e trasha për çka do të takohemi sot”, shtoi ajo./teve1.info/
