Autor: Lindrit Zejnullahu
Kështu thuhet në një vendim të siguruar nga teve1.info i cili i është dërguar QKUK-së për zbatim.
Tutje, në vendim thuhet se Klinika obligohet të mënjanojë lagështinë dhe kundërmimin e erës atyku është prezente.
“III. Ankesa kundër këtij Aktvendimi nuk ndalon ekzekutimin e tij, në vështrim të nenit 36.3 të Ligjit për Inspektoratin Sanitar të Kosovës”, thuhet ndër tjerash në vendim.
Ndryshe, ky vendim ka ardhur pasi që AUV ka bërë inspektim sanitar në hapësirat e bllokut operativ të kësaj Klinike.
Sipas AUV-it, gjendja higjieno sanitare dhe teknike në hapësirat e objektit është nën nivelin e duhur dhe se në sallat operative tavanat janë nga materiali jo higjienik të cilat janë lëvizëse dhe kur janë në kontakt me dritat që ndodhen mbi tavolinën e operacionit lirojnë pluhur.
“Tavani nuk ka lartësi të mjaftueshme mbi tavolinat operacionit. Në hapësirat e bllokut operativ kaprezencë të pjesshme të lagështisë ku si pasojë muret janë dëmtuar dhe kundërmon erë. Nyjet sanitare përpacientë janë jofunksionale dhe kundërmojnë. Në një hapësirë të bllokut operativ, muri është i dëmtuar si pasojë e rrjedhjes së gypit të kanalizimit”, thotë tutje vendimi.
Po ashtu, thuhet se pala e pakënaqur kundër këtij Aktvendimi mund të parashtrojë ankesë në Drejtorinë e Inspektoratit në Prishtinë në afat prej 8 ditësh nga dita e marrjes së tij./teve1.info/
