Brenda 24 orëve janë ofruar 367 shërbime emergjente në Qendrën Klinike Universitare të Kosovës(QKUK).
Sipas njoftimit të QKUK-së, numri më i madh i pacientëve të trajtuar gjatë 24 orëve ka qenë në Emergjencën internistike.
“Nga numri i përgjithshëm i pacientëve të trajtuar, 81 raste janë menaxhuar në Reanimim, 121 në Emergjencën Internistike, 62 në Emergjencën Kirurgjike, ndërsa 77 pacientë kanë marrë trajtim në Emergjencën Ortopedike.Në Sallën e Vogël janë trajtuar 26 pacientë, kryesisht për ndërhyrje si qepje, përpunim dhe pastrim të plagëve”, thuhet në njoftim.
Tutje, thuhet se 32 persona janë lënduar si pasojë e aksidenteve në trafik.
“Sa i përket lëndimeve dhe rasteve të veçanta, gjatë kësaj periudhe janë evidentuar 3 raste të intoksikimit (helmimit), 2 persona të përfshirë në përleshje fizike, si dhe 32 persona të lënduar si pasojë e aksidenteve në trafik. Ndërkohë, gjatë 24 orëve të fundit janë realizuar edhe 36 pranime për trajtim të mëtejmë në klinika të ndryshme të QKUK-së”, thuhet tutje në njoftim.
