Mesfushori Florent Muslija ka pranuar se ka shkelur rregullat e Kombëtares së Kosovës në futboll.
Muslija është njëri prej tre lojtarëve që të dielën u larguan nga grumbullimi i Kosovës për shkak te thyerjes së rregullores.
Trajneri i Kosovës, Franco Foda nuk llogariti as në Edon Zhegrovën e Arijanet Muriqin për ndeshjen në Larnaca të Qipros, pasi edhe këta të dy ishin përjashtuar.
Kosova fitoi 4:0 ndaj Qipros, ndërsa Muslija nuk luajti as në humbjen 3:0 kundër Rumanisë javën e shkuar.
Tani, ai ka pranuar gabimin e bërë gjatë grumbullimit.
“Kam bërë një gabim për të cilin, natyrisht marr përgjegjësinë. Dy ditë para ndeshjes me Qipron, kam lënë hotelin e ekipit pa leje. Megjithatë, nuk kam dalë për të festuar deri vonë në klub – por për të shkuar për darkë. Thjesht me dalë jashtë pak. Padyshim nuk ishte ideja më e mirë dhe më e zgjuar e jetës sime. Sepse sporti i skuadrës funksionon vetëm kur të gjithë ndjekin rregullat e përbashkëta. Nuk e kam bërë këtë dhe për këtë kam kërkuar falje, te trajneri dhe sigurisht edhe te bashkëlojtarët e mi. Diçka e tillë nuk duhej të ndodhte. Dhe diçka e tillë nuk do të ndodhë më”, ka shkruar Muslija.
