Pjesëtari i Njësisë Speciale të Policisë së Kosovës, Fatlum Xheladini, ka reaguar përmes Facebook-ut lidhur me diskutimin e pagave për pjesëtarët e rendit, raporton teve1.info
Xheladini ka shkruar në llogarinë e tij në Facebook se pagat e deklaruara nga zyrtarët shtetëror prej 220 euro për pjesëtarët policor, janë paga të djersës e punës dhe jo të zyrës.
Sipas tij, këto nuk janë paga por shtesa për punën jashtë t’gjitha normave duke mos i kaluar me ditë të tëra mbi 20 orë në shtëpi.
“Pagat “2200€” janë paga të djersës e punës, nuk janë të zyrës. Definitivisht ne si polic jemi lodhë tu e pa veten në qendër të vëmendjes. Krejt çka ne po kërkojmë është një pagë dinjitoze, e meritore.
Sa herë që këmba ime shkelë në pjesën Veriore të Republikës tonë, unë e mendoj që mund të kthehem edhe i vdekur, jo pse dua t’viktimizohem , po se ka me dhjetëra raste kur jem rreziku me jetë.
Është e pa logjikshme me u përmend paga (edhe pse jo pagë, se këto janë veç shtesa momentale për punën jashtë t’gjitha normave), kur unë personalisht ka kohë që nuk kum qëndru n’shpi mbi 20 orë.
Llogaritni si të doni ju, veç një e di, që barazimi nuk do t’iu del asnjëherë si e mendoni. Shnet!”, ka shkruar ndër të tjera Xheladini.
