Kësaj radhe trupi gjykues nuk u mblodh në gjykatore por në vendin ku dyshohet u pa për herë të fundit 24-vjeçarja Donjeta Pajazitaj nëntorin e vitit 2015.
Me të nis gjykimi me ndihmën e ekspertëve, trupi gjykues me palët tjera gjyqësore, filluan matjet e vendit ku dyshohet se ka qenë i akuzuari.
Për të dhënë konfirmimin e tij, doli edhe vet, i akuzuari Naser Pajazitaj.
Pesë vende në fshatin Strellc i Ulët, ishin fokus, për të vazhduar më pas për në bjeshkë të fshatit.
E në këtë vend shtatë vite më parë u gjet trupi i pajetë i Donjeta Pajazitaj.
Aty trupi gjykues bëri krahasime të fotografive të vendin në vitin 2015 dhe sot.
Punimet e kësaj seance po i ndiqnin nga afër edhe familja e të ndjerës, Donjeta Pajazitaj.
Por avokati i Naser Pajazitaj, ka dyshime nëse vizita në terren e trupit gjykues do të ndikojë në rrjedhën e procesit.
Naser Pajazitaj edhe në rigjykimin e katërt, e mohoi vrasjen e Donjetës në vitin 2015.
Raporti i gazetares Florijeta Dernjani.
