Shala tha se “Programi i rinisë” në fokus ka ngritjen e kapaciteteve të rinisë.
“Kemi involvuar 15 komuna në një projekt mbi bazën e të cilave janë zgjedhur nga 5 vullnetarë për secilën degë dhe kriteret e përzgjedhjes së tyre kanë qenë moshat rinore. Secili projekt është financuar me 150 euro dhe janë shpërndarë në 15 degë të ndryshme të Kosovës”, tha ai.
Në emisionin “Ditari”, Shala theksoi se Kryqi i Kuq tenton me çdo kusht që të rritë ndikimin e vullnetarizmit prandaj sipas tij edhe shumica e atyre të rinjve që kanë përfituar nga ky projekt, të hyrat do t’i dhurojnë pikërisht për këtë kategori.
“Baza e programit të rinisë ka qenë ngritja e kapaciteteve të fondeve… Shumica e atyre që kanë fituar nga ky projekt kanë deklamuar që të hyrat që do t’i fitojnë nga projekt do të jenë pikërisht të këtyre kategorive. Kemi raste të komunave që kanë deklaruar se të hyrat e këtij projekti do të shkojnë për komunitete jo shumicë, për fëmijët e komunitetit rom, ashkalinjë dhe egjiptian. Në këtë projekt kanë qenë të involvuar edhe komunitete jo shumicë, nga komuniteti serb kemi nga Kamenica… në Prizren komunitetin Turk, në Fushë – Kosovë komunitetin, Rom, Egjiptjan dhe Ashkalinjë por edhe në Komuna të tjera”, tha Shala./Teve1.info/.
