“Tërheqja e trustit do të jetë një infuzion rreth 400 milionë euro që do të futet në qarkullim por prapë kjo nuk është për të gjithë qytetarët por vetëm për kontributdhënësit. Në vitin 2020 kur është ndarë 10 për qindëshi i fondit të kursimeve pensionale ka pasur një këndellje të ekonomisë dhe qytetarëve. Ato mjete jonë tonat, ato mjete janë të qytetarëve. Në shtetet tjera perëndimore qytetarët mund t’i tërheqin mjetet e tyre të trusitit kurdo që ata kanë nevojë për të blerë shembull një shtëpi apo një kerr”, ka thënë Shahini .
I ftuar në emisionin “Ditari”, me Flaka Zogun në Tëvë1, Shahini ka folur edhe për vendimin e qeverisë për ndalimin e eksportit të disa produkteve bazike ushqimore, të cilin e ka cilësuar si të mirë por sipas tij Kosova është vonuar të merr vendime për ta fuqizuar prodhuesin vendor.
“Është vendim i mirë po ka pasur edhe vendime të tjera më të mira që mund të mirreshin. As ky vendim nuk është një vendim i cili nuk e ndihmon qytetarin apo një vendim që e çrregullon shumë qytetarin por është një vendim i cili e kanë marrë shumë shtete që kanë prodhim, si Maqedonia Shqipëria, Serbia, por Serbia është eksportuesi më i madh i produkteve ushqimore siç janë drithërat, mielli sheqeri vaji dhe këto me radhë. Ne varemi nga importi për 99 për qind të këtyre produkteve dhe ne themi se Kosova është vonuar të merr vendime për ta fuqizuar prodhuesin vendor”, ka thënë tutje Shahini në Tëvë1.
