Përmes komunikatës thuhet se Shtetet e Bashkuara të Amerikës shprehin shqetësim të thellë për situatën aktuale.
“Shtetet e Bashkuara shprehin shqetësimin e tyre të thellë për situatën aktuale në veri të Kosovës. Ne e kuptojmë se autoritetet kosovare kanë arrestuar një individ të dyshuar për përfshirje në një sulm të dhunshëm ndaj autoriteteve kosovare të zbatimit të ligjit dhe komisionit zgjedhor. Ky arrestim po përdoret si justifikim për bllokime të paligjshme të rrugëve si dhe kërcënime dhe frikësime ndaj autoriteteve kosovare dhe popullatës lokale”, thuhet në komunikatë.
Tutje, ambasadat kanë bërë thirrje që ata që kanë ngritur barrikada t’i largojnë sa më parë ato dhe se presin që t’u jipet fund kërcënimeve të dhunës e frikësimit.
Po ashtu, përmes deklaratës së përbashkët janë dënuar sulmet ndaj Policisë së Kosovës e EULEX-it.
“Ata që ngritën postblloqe të paligjshme duhet t’i çmontojnë ato menjëherë. Ne presim që t’i jepet fund të gjitha kërcënimeve të dhunës dhe frikësimit. Ne shprehim mirënjohjen dhe mbështetjen tonë të plotë për Forcën e NATO-s në Kosovë (KFOR) për përpjekjet e saj për të garantuar sigurinë dhe lirinë e lëvizjes dhe për Misionin e Bashkimit Evropian për Sundimin e Ligjit (EULEX). Ne i dënojmë fuqishëm si të papranueshme të gjitha sulmet ndaj agjencive të sigurisë kosovare dhe ndërkombëtare”, thuhet në komunikatë.
Tutje, është bërë thirrje për përmbajtje dhe të mirren masat e menjëhershme për të arritur një de-përshkallëzim të situatës dhe të përmbahen nga aktet provokuese.
“I bëjmë thirrje të gjithëve që të ushtrojnë përmbajtje maksimale, të marrin masa të menjëhershme për të arritur një de-përshkallëzimin e situatës dhe të përmbahen nga aktet provokuese. Ne i nxisim palët të punojnë në kuadër të Dialogut të lehtësuar nga BE-ja për të zgjidhur çështjet shqetësuese”, thuhet në reagim./teve1.infio./
Joint Statement of the Embassies of the United States of America in Belgrade and Pristina on the situation in the north of Kosovo: https://t.co/Kd11WA4m5t
— U.S. Embassy Pristina (@USEmbPristina) December 11, 2022
