Aleanca Kosovare e Bizneseve ka bërë një studim në lidhje për migrimin e kosovarëve, që nga vitet e 70-ta e deri më tani kanë ikur mbi 1 milionë qytetarë nga Kosova.
Sipas njoftimit të AKB-së, kryetari Agim Shahini tha se është shqetësuese se për 5 vite të fundit kanë ikur 200 mijë qytetarë nga Kosova, për një standard të mirë jetësor.
Ai shtoi se trendi i ikjes nga Kosova tashmë është i njëjti sikur para luftës.
Shahini deklaroi se vetëm motivet kanë ndryshuar sepse qytetarët atëherë e kishin frikën nga qeveria serbo-jugosllave, e tashmë janë të zhgënjyer nga Qeveria e Kosovës.
“Migrimi i Kosovarëve ka qenë i vazhdueshëm që nga vitet e 70-ta por shumica kanë ikur në vitet 1990-2000 ku mesatarishtë ikën mbi 450 mijë, atëherë ishte represioni jugosllav dhe kishte plotë arsye të iken nga Kosova. Por një studim i AKB-së nxjerr një të keqe tjetër të madhe ku vetem për 5 vitet e fundit ikën nga Kosova mbi 200 mijë qytetarë për të kërkuar jetë ma të mirë standard jetësor, shkollim e sigurime shëndetësore. Kryatari i AKB-ës Agim Shahini tha se trendi i ikjes nga Kosova tash më është i njëjtë sikur para luftës për veç motivet ndryshojne atëherë ishin të frikês nga qeveria serbo-jugosllave e sot që qytetarët janë të zhgënjyer nga qeveria e kosovës që nuk po ndryshon asgjë në të mirë të rritjes se motivet për të gjetë një mundësi sa do të vogël për të jetuar në Kosovë”, thuhej në njoftimin e AKB-së./teve1.info/