Ende pa hyrë mirë brenda, iu kërkua që te dalin jashtë.
Deputetët por edhe stafi i Kuvendit të Kosovës u evakuuan për shkaqe sigurie.
Krejt kjo pasi që përmes një telefonate në gjuhën angleze u ngrit një alarm për mjet shpërthyes.
Kërkesë e njëjtë ishte edhe për gazetarët.
E deputetja e Partisë Demokratike të Kosovës shprehi shqetësimin e saj për sigurinë në Kuvend.
Shqetësim për këtë ngriti edhe deputetja tjetër nga radhët e AAK-së, Time Kadrijaj.
Oborri i institucionit legjislativ u mbush menjëherë me zyrtarë policorë.
Njësia e Reagimit të Shpejtë dhe patrullat u kujdesën për perimetrin e sigurisë.
Ndërkaq, njësia K-9 me qenë kontrolluan veturat e parkuara.
Kontroll të detajuar pati edhe brenda dhe jashtë objektit.
Nga Policia e Kosovës thanë se kërcënimi erdhi përmes një sms-je.
Pas më shumë se tri orësh ekzaminimi të vendit, doli se alarmi ishte i rremë.
Sipas kryeprokurorit të Prokurorisë Themelore të Prishtinës, Zejnullah Gashi dyshohet që telefonata erdhi nga shtete jo mike.
Kështu, pas përfundimit të operacionit, ekipet e shumta të Policisë u larguan nga vendi i ngjarjes.
Ndërsa seanca u paralajmërua se do të mbahet në mbrëmje, nga ora 20:00.
