Një zjarr i madh ka përfshirë një pjesë të konsiderueshme të Malit të Goleshit të premten.
Në orët e vona të kësaj dite, duke shkaktuar flakë të mëdha në këtë zonë.
Menjëherë janë aktivizuar njësitet e zjarrfikësve por që tereni i papërshtatshëm kishte vështirësuar lokalizimin e zjarrit.
Mirëpo gjatë së shtunës komandati i zjarrfikësve në Prishtinë, bëri të ditur për tëvë1 se zjarri është lokalizuar, mirëpo kushtet e papërshtatëshme po e vështirësojnë punën.
“Po tash është lokalizuar zjarri, por është sipërfaqe e madhe e përfshirë nga zjarri. TerReni është i vështirë dhe pa qasje te automjeteve të zjarrfikësve. Vende vende edhe i paqasshëm për zjarrfikës”, tha komandanti i zjarrfikësve në Prishtinë, Malë Gashi.
Mirëpo zjarrit nuk i shpëtuan këto antena të cilat ishin në afërsi të kësaj zone.
Tëvë1 ka mësuar se të njëjtat i përkasin misionit të NATO-s në Kosovë, KFOR dhe se zjarri nuk ka paraqitur ndonjë problem te këto pajisje.
Derisa kryetari i Drenasit, Ramiz Lladrovci njoftoi se zjarri po vazhdon me intensitet të ulët, derisa falënderoi zjarrfikësit për intervenimin e shpejtë.
“Gjatë ditës së djeshme ishin në intervenim 6 zjarrfikës nga Drenasi, 6 zjarrfikës nga Prishtina, 4 zjarrfikës nga Lipjani dhe 27 ushtarë të FSK-së. Në Gjergjicë, zjarri vazhdon të përbëj rrezik edhe pse ka kaluar në pjesën e Balincës (Malishevë) dhe zjarrfikësit janë duke u përballë me flakët. Zjarrfikësit janë në vendin e ngjarjes për tu përballur me situatën”, tha Lladrovci.
Kryesisht në këtë periudhë kohore, çdo vit ka zjarre të cilat janë vlerësuar se shkaktar kryesor është faktori njeri.
Derisa është bërë apel vazhdimisht nga institucionet për kujdes të shtuar nga qytetarët.
