Ministri i Shëndetësisë, Arben Vitia, ka thënë se secili duhet t’i gëzohet Ligjit për rregullimin e çminimit të barërave, i miratuar një ditë më parë në Qeverinë e Kosovës, raporton teve1.info
Gjatë fjalimit të tij në Kuvend, Vitia e kritikoi Partinë Demokratike të Kosovës se gjatë qeverisjes me disa parti tjera të njohura si PAN, nuk ka arritur ta miratoj asnjë ligj.
“Të gjithë duhet të gëzohen për ligjin për çmimin e barnave. Ky ligj është dashur të bëhet shumë më herët sepse kështu kursehen me mijëra para nga xhepat e qytetarëve. Qeveria PAN nuk e ka miratuar asnjë ligj për ministrinë e Shëndetësisë”, tha Vitia.
Ndërsa, deputeti nga PDK, Bekim Haxhiu, e akuzoi ministrin Vitia se është duke u hetuar për nënshkrimin e kontratave pa autorizim gjatë kohës së pandemisë.
Haxhiu po ashtu tha se gjatë vitit 2022 Bordi i SShKUK-së, i ka keqpërdorur 12 milionë Euro.
“12 milionë euro keqpërdorim nga bordi i SSHKUK më 2022. Kontrata pa autorizim marketingu në pandemi keni nënshkrua kontrata pa autorizim marketingu për çka është hetuar ka evidentuar edhe Zyra e Auditorit.
Po merret me UA për rregullimin e çmimit të barnave, ai është nënshkruar në maj të vitit 2019 por nuk është votuar në Kuvend”, tha Haxhiu.
Sipas Haxhiut, Udhëzimi Administrativ që e rregullon njëjtësimin e çmimit të barërave ka qenë funksional që nga vitit 2019.
