Një qytetar ka pësuar lëndime trupore nga një aksident i ndodhur në Autostradën “Arbën Xhaferi” mes dy veturave me targa të Maqedonisë, raporton teve1.info
Lajmin për teve1 e konfirmoi zëdhënësi i Policisë së Kosovës, Baki Kelani, i cili tha se rasti po trajtohet nga njësitet policore.
“Me datën 27.07.2023 në orët e paradites në autostradën Arber Xhaferi, Hani i Elezit -Kaçanik ,ka ndodhur aksident trafiku me lëndime trupore.
Në këtë aksident janë përfshirë dy automjete me tabela të Maqedonisë, ku si pasoj e aksidentit një person ka pësuar lëndime trupore. Rasti është trajtuar nga njësitet policore.
Policia e Kosovës shfrytëzon rastin që të apelojë tek të gjithë pjesëmarrësit në trafik, që të kenë kujdes të shtuar dhe të respektojnë rregullat e trafikut, në mënyrë që të parandalohen aksidentet”, ka thënë Kelani.
