Policia e Kosovës e ka arrestuar të dyshuarin H.S. recidivist i kontrabandimit me kafshë, derisa të njëjtit ia ka gjetur të ngarkuara në një mjet transportues tri krerë lopë me dokumente të falsifikuara, raporton teve1.info
Sipas komunikatës së Policisë, i dyshuari i kishte transportuar kafshët përmes fshatit Zllakuqan të Maqedonisë së Veriut përmes fshatit Stanqiq të Gjilanit.
Lidhur me rastin është lajmëruar njësiti i Agjencisë së Veterinarisë dhe Ushqimit, i cili e ka konstatuar se të dhënat e kafshëve janë të dyshuara.
“Pas pranimit të informatës së lartcekur, lidhur me rastin me datë 20 korrik 2023 janë vënë në lëvizje zyrtarë policor me veturë civile të cilët kanë bërë identifikimin e furgonit të dyshuar të cilin e drejtonte i dyshuari mashkull kosovar me iniciale H.S, recidivist i kontrabandimit me mallra, ku pas kontrollit të realizuar në mjetin e tij janë gjetur të ngarkuara 3 (tre) krerë gjedhe, për të cilat i dyshuari ka pasur pasaporta dhe certifikata të pavlefshme, të dyshuara si të falsifikuara.
Lidhur me rastin është kontaktuar edhe njësiti i AVUK-ut të cilët kanë konstatuar se matrikulat janë të dyshuara”, thuhet në komunikatën e Policisë.
Me urdhër të prokurorit gjedhët dhe furgoni janë dërguar në Terminalin Doganor të Dheut të Bardhë, ndërsa personi i dyshuar lirohet në procedurë të rregullt
