Sipas pamjeve të regjistruara nga gazetarët e teve1 në terren, shihet se kamionët kanë filluar të largohen edhe nga kjo pikë e barrikadimit.
Ditën e enjte barrikadat u larguan nga Ruudari dhe Lagja e Boshnjakëve në veri të Mitrovicës.
Barrikadat ishin vendosur rreth 3 javë më parë nga qytetarë të komuniteti serb në këtë pjesë, si reagim pas arrestimit të ish pjesëtarit të Policisë së Kosovës, Dejan Pantiq, i akuzuar për vepra terroriste.
Sipas Prokurorisë Speciale të Kosovës, ndaj Pantiqit u kërkua ndryshimi i masës së sigurisë nga paraburgimi në arrest shtëpiak, për shkak të gjendjes së rënduar shëndetësore,
Menjëherë pas ndryshimit të masës së sigurisë dhe lirimit të Pantiqit në shtëpi, serbët lokal filluan me heqjen e barrikadave.
Tërheqjen e kamionëve, autobusëve dhe mjeteve tjera të rënda, serbët lokalë një ditë më parë e bënë me maska në fytyrë.
