Gjashtëmbëdhjetë minatorë të cilët po qëndrojnë në grevë në Trepçë kanë kërkuar trajtim mjekësor të enjten, raporton teve1.info
Gazetarja e tëvë1, Albiona Hajdari e cila po e përcjellë nga afër grevën gjatë ditës së enjte, tha se nga emergjenca në Mitrovicë janë dhënë shërbime shëndetësore për 16 minatorë.
Ndërsa, mjeku Ridvan Ramagjiku nga emergjenca e Mitrovicës, tha se gjatë dhjetë ditëve prej kur ka filluar greva e minatorëve, për ta janë ofruar 300 shërbime mjekësore.
Minatorët e kanë filluar grevën e urisë dhjetë ditë më parë me kërkesë për realizimin e pagave pa vonesa, pagesën e shujtave, shkarkimin e UD. të Kryeshefit dhe kërkesa tjera në përmirësimin e kushteve të punës.
