Avokati Ardian Bajraktari e ka quajtur të dështuar sistemin e drejtësisë në Kosovë pas arratisjes së Enver Sekiraqës, i dyshuar për nxitjen e vrasjes së policit Triumf Riza, raporton teve1.info
Në studion e “Ditarit” në Tëvë1, Bajraktari ka thënë se gjykata me rastin e shpalljes së dënimit ndaj Sekiraqës është dashur t’i shqiptoj edhe njërën nga masat për sigurimin e prezencës së të pandehurit në procedurë.
“Ky rast dëshmon se sistemi i drejtësisë ka dështuar në administrimin e drejtësisë së këtij rasti shumë të ndjeshëm për faktin se është viti 2009-2010 kur ka ndodh ngjarja tragjike e vrasjes se policit Triumf Riza dhe në këtë drejtim kemi pas disa herë rikthime të procesit. Për më keq, më 3 maj të këtij viti, më rastin e shpalljes së aktgjykimit, sipas të cilit i pandehuri Sekiraqa dënohet më 25 vite burgim për nxitje të vrasjes së të ndjerit Riza, mirëpo në bindjen time ka qenë e pashpjegueshme se si rrethanat bazuar në sjelljen para dhe gjatë procesit nuk ka arritur të bindet trupi gjykues që me rastin e shqiptimit të dënimit, të njëjtit t’i shqiptoj njërën prej masave për sigurimin e prezencës së të pandehurit në procedurë për faktin e sipas nenit 366 të Kodit të Procedurës Penale nuk përcaktohet me automatizëm për dallim prej kodit paraprak që ka ekzistua një dispozitë ku në rast se shqiptohet dënim me burgim 5 vite e tutje me automatizëm shqiptohet masa e sigurisë së prezencës së të pandehurit por në bindjen time kanë ekzistuar shkaqet për caktimin e njërës prej masave qoftë arrest shtëpiak apo edhe paraburgim për faktin se plotësohen kriteret e përcaktuara me nenin 184 që është i pari dyshimi i bazuar se personi ka kryer veprën penale pastaj njëra prej kritereve që është sjellja e tij gjatë procesit dhe mundësia që i njëjti t’i shmanget organeve të drejtësisë siq edhe në fakt ndodhi”, tha Bajraktari.
Ai tha se tashmë përmes një veprimi, Këshilli Gjyqësor i Kosovës duhet t’i tregoj qytetarëve rreth këtij procesi dhe të jetë transparent me publikun.
“KGJK sa më parë që të jetë e mundur duhet të filloj veprimet, t’i jep përgjigje publikut për çështjet që janë ngritur se si ka ardh tek një veprim i tillë kur nuk i është shqiptuar një masë për sigurimin e të pandehurit në procedurë dhe pastaj si rezultat i këtij vendimi ka pas edhe ngritje të aludimeve të lloj-lojshmt për të cilat në një proces transparent nga KGJK dhe Gjykata Themelore të tregoj se si ka ardhur deri tek ky rast”, tha Bajraktari.
