Dita e dielë ishte e veçantë për ekipin e Ligës së Dytë, Shkëndija. Ekipi nga Hajvalia zhvilloi ndeshjen e xhiros së 28 dhe për kundërshtar kishte Sharrin.
Sharri në këtë ndeshje ishte tejet inekzistent, pasi në 90 minuta pësoi plot pesë gola nga Shkëndija. Mirëpo fitorja e thellë e skuadrës nga Hajvalia ishte vetëm një nga elementët, pasi kjo ishte edhe fitorja e 24-të në këtë sezon, kurse e 20-ta radhazi nga 28 ndeshje të zhvilluara nga skuadra e udhëhequr nga Elon Berisha.
Shkëndija gjithashtu ka arritur shifrën e 100 golave, derisa ka pranuar vetëm 16 dhe mbanë vendin e dytë me 74 pikë, teksa edhe dy ndeshje e ndajnë nga inkuadrimi në Ligën e Parë.
