Nënkampioni i Kosovës, Drita është bërë me trajner të ri. Ekipi gjilanas pas largimit te Ardian Nuhiut, kanë arritur marrëveshje me Arsim Thaqin.
Thaqi ka firmosur një kontratë një vjet e gjysmë, derisa qëllimi i tij të kaltërit është të rikthej titullin e kampionit në Gjilan. Thaqi më parë ka qenë pjesë e skuadrave si Malisheva, Prishtina, Flamurtari, KEK-u, Trepça ’89 e 2 Korriku.
Njoftimi i plotë nga FC Drita:
Arsim Thaqi trajner i DRITËS
FC DRITA zyrtarisht ka arritur marrëveshje me trajnerin, Arsim Thaqi për një kontratë 1 vjet e gjysmë.
Trajneri, Arsim Thaqi së fundmi ka qenë te Malisheva, ndërsa më parë ka drejtuar edhe Flamurtarin dhe Prishtinën.
Në ditët në vazhdim do të prezantohet edhe stafi ndihmës i trajnerit Thaqi, ndërkohë nesër ekipi jonë fillon fazën përgatitore.