Zyhrije Pllana është emëruar në pozitën e Drejtoreshës së Investimeve Kapitale në Komunën e Prishtinës, pozitë të cilën deri së fundmi e mbante Sokol Havolli.
Njoftimin e ka bërë kryetari i Komunës së Prishtinës, Përparim Rama, i cili ka theksuar se Pllana do të ketë një rol në udhëheqjen dhe realizimin e projekteve zhvillimore në kryeqytet.
Sipas Ramës, Zyhrije Pllana ka një përvojë të gjatë në institucionet komunale dhe ka qenë pjesë e proceseve kyçe vendimmarrëse, duke kontribuar me profesionalizëm, përkushtim dhe integritet në shërbim të qytetarëve.
Ai ka shprehur besim të plotë në aftësitë e saj për të menaxhuar me sukses investimet kapitale dhe për të avancuar projektet me rëndësi strategjike për Prishtinën.
Rama, ka falënderuar Sokol Havolli për kontributin e tij, përkushtimin dhe punën e palodhur gjatë ushtrimit të kësaj detyre deri tani.
“I urojmë znj. Pllana suksese të vazhdueshme në këtë përgjegjësi të re, ndërsa z. Havollit i dëshirojmë suksese të mëtejshme në rrugëtimin e tij profesional”.
