Deputeti i Lëvizjes Vetëvendosje , Salih Zyba ka thënë se Lidhja Demokratike e Kosovës për të dhënë zgjidhje duhet së pari ta kryej obligimin ligjor edhe kushtetues.
Zyba është shprehur se zgjedhjet janë demokratike dhe në momentin kur rezultati i zgjedhjeve vjen në Kuvend është obligim i gjithë përfaqësuesve të qytetarëve ta respektojnë.
“Së pari LDK-ja për të dhënë zgjidhje për qeveri duhet ta kryej obligimin edhe ligjor edhe kushtetues. Numrat janë votat e vullnetit qytetar në zgjedhjet si certifikim i tyre i procesit do të thotë ai rezultat në Kuvend vihet me automatizëm, nuk është pazar. Ne jemi vend ose Republikë parlamentare, zgjedhjet janë demokratike dhe në momentin kur rezultati i zgjedhjeve vjen në Kuvend është obligim i gjithë përfaqësuesve të qytetarëve ta respektojnë. Sa i përket qeverisë, mandatarin, afatet që rrjedhin dhe potencialin tjetër edhe i jashtëm është obligim dhe mundësi e subjektit prapë fitues”, ka thënë ai në emisionin “Ditari” në Tëvë1.
I pyetur se me çfarë propozimesh do të shkoj LVV-ja në seancën e rradhës, Zyba ka thënë se do të shkojnë pa ndryshuar qëndrim por me gatishmërinë për t’u dëshmuar jo vetëm si votë e tyre e prezencës por se sipas tij është edhe besim dhe obligim i tyre ndaj qytetarëve.
