Zjarri përfshiu gjate ditës se diele një shtëpi ne fshatin Vraniq te Suharekës. Zjarrfikësit intervenuan për lokalizimin dhe shuarjen e tij. Ndërsa rastin në fjalë e ka konfirmuar Policia e Kosovës. E pronari i shtëpisë së djegur nuk ka pranua të flas për rastin.
Çatia është krejtësisht e dëmtuar nga një zjarr që kaploi këtë shtëpi në Vraniq të Suharekës mesditën e së dielës.
E, katet e tjerë të shtëpisë nuk u panë nga kamera e televizionit pasi pronari nuk deshi të flasë në lidhje me rastin.
Ata qe intervenuan të parët ishin zjarrfikësit.
Vehbi Krasniqi, Komandant i Njësisë se Zjarrfikësve dhe Shpëtimit në Suharekë, tregon për televizionin se sfidë për këta ishte numri i vogël i punonjësve.
“Ekipi i cili është kujdestar kanë vepruar me kohë kanë arrit por ka qenë numër i pamjaftueshëm kështu që janë detyrua ti ftojnë edhe ekipet tjera prej shtëpisë”, tha Vehbi Krasniqi- komandant i njësisë së zjarrfikësve dhe shpëtimit në Suharekë.
Në anën tjetër Krasniqi, ka një këshillë për qytetarët që të jenë më të kujdesshëm.
“Pasi që tani jemi në sezonin dimërorë kisha më i këshillua qytetarët që paraprakisht para vendosjes së stufave ti pastrojnë oxhaqet e shtëpive. Për shkak se te gjitha zjarret vinë për shkak të oxhaqeve të pa pastruara shumica e zjarreve, por edhe tjetra gjatë këtyre mjeteve për nxehje qendrore të kenë kujdes të shtuar gjatë këtij sezonit”, apelon ai.
Ndërkohë ky rast është konfirmuar edhe nga Policia e Kosovës.
“Është raportuar se në rrethana të panjohura është përfshi nga zjarri një shtëpi. Njësitë relevante policore si dhe zjarrfikësit kanë dal në vendin e ngjarjes dhe kanë arritur ta lokalizojnë zjarrin”, thuhet nga policia.
Përveç dëmeve materiale nuk pati të lënduar.
Kronika e realizuar nga Fëllënza Krasniqi
