Ylli i Kosovës, Edon Zhegrova është ftuar nga trajneri i Juventusit, Luciano Spalletti për ndeshjen derbi kundër Napolit.
Spalletti ka ftuar 22 futbollistë, përfshirë edhe Zhegrovën për këtë ndeshjet që vlerësohet tejet e rëndësishme.
Kjo përballje është derbi I xhiros së 14-të në Serie A dhe luhet në stadiumin “Diego Armando Maradona” me fillim nga ora 20:45.
Mbetet të shihet nëse Zhegrova do të jetë startues tek Juventusi për herë të parë këtë sezon apo do të inkuadrohet në pjesën e dytë.
Gjasat janë të mëdha që sulmuesi i krahut të ketë minutazhë më të madhe pasi edhe trajneri Spalletti beson në aftësitë e tij.
Përderisa mbetet të shihet nëse Zhegrova do të aktivizohet tek Juventusi, në anën tjetër, te Napoli do të jetë i padiskutueshëm kapiteni i Kosovës, Amir Rrahmani.
Napoli është kampion në fuqi dhe ka 28 pikë të mbledhura, pesë më shumë se Juventusi.
